جريدة الضرائب العقارية تنشر ( اخبط دماغك في الحيطة ..! ) قصيدة عامية .

جريدة الضرائب العقارية تنشر ( اخبط دماغك في الحيطة ..! ) قصيدة عامية .

جريدة الضرائب العقارية تنشر قصيدة ( اخبط دماغك في الحيطة ..! )  وهي القصيدة العامية التي يهديها الشاعر عبدالرحمن يوسف إليهم بمناسبة إنشاء نقابة العاملين بالضرائب العقارية كأول نقابة مستقلة في مصر .. اخبَطْ دماغَكْ في الحيطةْ ...!
حتمًا و لزمًا ساعة الجدْ          نقَفْ    حبايب و قرايبْ
عزم الضرايب شد العزمْ           م     اسكندرية لحلايبْ
واقفين نواجه ظلم الليلْ           و نحرس المال السايبْ
للغول نقول "عينك حمرا"     و نقول كمان "شايبْ عايبْ" !
خَدِ النفاق مُونَةْ و أُجْرَةْ          و حاضرنا بَلًّغْ للغايبْ
* * *
يا مصر دي لسّه بشايرْ           و جَوْلَةْ مِنْ ألفين جَوْلَةْ
نقابتنا دِرْعْ نواجه بيهْ            أشرار بتِنْهَشْ و عَتَاوْلَةْ
حب الوطنْ إننا نِدِّيهْ               مش إننا ناخدُه مقاولةْ
حَبِّينا مصر و قَدِّمْنا         مُحَاوْلَةْ ... و الحُب مُحَاوْلَةْ !
عاش اللي شارك في الإضراب     و لا خافش من بطش الدولة !
* * *
يا كل أهل المحروسةْ           اتعلموا الدرس بسرعةْ
قبل الجحيم ما يطال الكُلّ ْ        و قبل ما تجِف التِّرْعَةْ
يا كل مظلوم في بلدنا           ربك حيسعى لو تسعى !
إيد ويَّا إيد الإيد تِقْوى           و إيد لوَحْدَهَا إيد خِرْعَةْ
إيد ويَّا إيد نصبح مارد            يهزم جنود ابن القُزْعَةْ
* * *
عزم الضرايب شد الحيل          و رفعنا ليه البرنيطةْ
بنبني للحق نقابــــــــــــــــة     و آدي الجاروف و البَرْوِيطَةْ
ماشيين نغني "تحيا الشمس"      و الغنوة تلحين "ابو عيطةْ" !
غنوتنا تهزم كل نشاز              بيبث سِمُّهْ في الزِّيطةْ
غنوتنا نور بيقول للليل :       "إخبط دماغك في الحيطةْ" !!!
تـمـت فـي الـقـاهـرة  27 / 4 / 2009
2.00   صـبـاحــــا
شعر : عبدالرحمن يوسف
موقع الكتروني :  www.arahman.net
بريد الكتروني :[email protected]